Соопштение за јавност

Кандидатката за градоначалник на Град Скопје од СДСМ, Каја Шукова, која присуствуваше на 40 годишниот јубилеј од култната „Бушава азбука“ рече дека во пресрет на првиот школски ден преубаво е чувството да се потсетиш како си растел. Настанот и промоцијата на муралот за „Бушава азбука“ рече Шукова е потсетник дека Скопје може да биде урбан и модерен но и зелен и чист град кој нуди култура, инспирација и подобар живот за сите граѓани.

„Овој настан денеска дефинитивно ни покажува дека Скопје може да биде урбан и модерен град. И мораме што повеќе да ја поддржиме независната сцена, младите уметници коишто ќе не потсетат на она што било убаво да го доразвиеме и да создадеме нови модели атрактивни за децата,“ истакна Шукова.

Шукова исто така порача дека, покрај урбаното и модерното, Скопје мора да биде и зелен и чист град.

„Ќе повторуваме во деновите што престојат во пресрет на локалните избори, ама да не заборавиме дека сите ние ќе мораме заедно со градот да смогнеме сили за да го направиме Скопје без отпад, со повеќе чист воздух и позеленo.“

Таа додаде дека има јасна визија и конкретна програма за иднината на градот.
„Многу работа не чека, имаме идеи, имаме програма. Ни требаат граѓаните, ни требаат сите оние кои си го сакаат Скопје“, заклучи Шукова.