Соопштение за јавност
Претседателот на СДСМ, Венко Филипче, на граѓанска трибина под слоганот „Се бориме за нашиот дом“ која се одржа вечерва во Берово зборуваше за еден од спотовите на партијата на власт. „Промените не доаѓале одеднаш“, ова за Филипче значи едно дека граѓаните ќе се изначекаат подобар живот.
„Го слушам Мицкоски во еден од спотовите за кампањата вели „промените не доаѓале одеднаш“ и дека „требало трпение – чекор по чекор“.
„Мицкоски, една работа треба да ти е јасна, а тоа е дека денот по утрото се познава. Вашата неспособност, ароганција, луксузирање и немањето апсолутно никаква желба да се помогне на луѓето се виде од авион уште првата година. Вашата кампања не е ништо друго освен оправдување за катастрофалната неспособност што ја гледаме веќе година и пол на централно ниво и четири години низ општините во државата“, рече Филипче.
Филипче пред беровчани оцени дека Мицкоски си бара алиби за сопствената немоќ, но затоа ги потсети граѓаните на мерките и политиките кои ги спроведе СДСМ и за кои не потроши децении.
„За седум години Владата на СДСМ, ја зголеми минималната плата за над 100% од 10.000 денари во 2017 на 22.500 денари во 2024. Просечната плата за 85 % ја зголемивме од 23.500 денари во 2017 година на 43.500 денари во 2024 година. За две години за 300% ја зголемивме социјалната помош, за овие луѓе да имаат достоинствен живот. За пет години над 130 милиони евра се вратени директно на сметките на граѓаните преку проектот Мој ДДВ. 60 градинки се изградија и реновираа за четири години. Со девет пакети антикризни мерки во вкупен износ од 2,6 милијарди евра спасивме 80.000 работни места и 20.000 компании. Над 660.000 домаќинства со нашата поддршка не го почувствуваа ценовниот шок од сметките за струја“, рече Филипче.
СДСМ како Влада работеше во најтешките кризи, но не дозволи во ниту еден момент граѓаните и компаниите да бидат загрозени како што се сега кога нема апсолутно ниту една криза. Филипче пред граѓаните исто така рече дека и СДСМ имала свои маани и грешки, но денес после година и пол на граѓаните им е навистина јасно дека ВМРО-ДПМНЕ не ја заслужува довербата на луѓето.
Линк до видео:
https://www.facebook.com/watch/live/?ref=watch_permalink&v=790395570363110
