Обраќање на кандидатот за градоначалник на Гази Баба, Влатко Митовски

Митовски: Глас за број 5 е глас за промени, работа и решавање на проблемите на граѓаните

Почитувани сограѓани,

Го означувам крајот на кампањата и влегување во предизборниот молк, време кога зборовите треба да замолчат, но изборот кој ќе го направиме говори најгласно. Овој мандат локалната власт ни остави улици во распаѓање, диви депонии, прекршени ветувања и систем што не работи за обичниот човек. Дека се работи за популизам без резултати се гледа секој ден, малку реални реформи и нула одговорност.

Ние сме тука поради конкретни резултати, планирани проекти кои обезбедуваат вода, канализација, уредени улици и чисти јавни површини, транспарентност и враќање на услугата кај граѓанинот, приоритет за детските паркови, спортските терени и поддршка за локалните бизниси. Нашата програма не е празна реторика, тоа е листа на чекори кои ќе ги реализираме веднаш, со отчетност и контрола.

Со почетокот на предизборниот молк, ги повикуваме сите да излезат и да гласаат за иднината која ја нудиме, за број 5, за нашиот, за вашиот дом!

На 19-ти во недела, вашиот глас е глас за работа, ред и редовни услуги, а не за празни ветувања. Заокружете го бројот што носи промена, Заокружете го бројот 5 затоа што ние се бориме за нашиот дом !
Благодарам.

https://www.swisstransfer.com/d/82c124e2-ec42-4148-8baa-db7048bd6b92