Времето на неказнивост, избегнување на правдата, изигрување на законите, полека но сигурно станува минато, истакна вицепремиерот задолжен за борба против корупцијата и криминал, Љупчо Николовски, кој додаде дека конфискацијата на имот и финансиските истраги се императив за истерување на правдата до крај.

Тој при презентација на новата Националната стратегија за конфискација на имот кажа дека преку неа ќе се зголеми ефикасноста и на кривичните процеси, а покрај секоја отворена кривична истрага паралелно ќе се спроведува и финансиска истрага.

-Проактивноста на институциите ќе придонесат и за водење финансиска истрага паралелно со криминалистичката. Очекуваме да се намалат ризиците за препродажба или прикривање на налегално стекнатите имоти и средства, кажа Николовски.

Според него од големо значење е и електронското поврзување на институциите, преку нивна дигитализација и навремена размена на информации, односно преку програмата за интероперабилност и најави техничко и кадровско зајакнување на Основните јавни обвинителство, за поефикасно водење на истрагите.