Изјава за медиуми на СДСМ, Стефан Васев од СДСМ

Почитувани граѓани, почитувани новинари,

Градоначалничката од ВМРО-ДПМНЕ, Данела Арсовска, уште во првите месеци од мандатот покажува неодговорен, нечесен однос кон граѓаните на Скопје.

Веќе во вториот месец од мандатот Арсовска не работи ништо.

Бега од новинари, поништи оглас за вработување на 20 пожарникари и останува запаметена по сообраќајниот хаос низ градот што граѓаните го гледаат секое утро и секое попладне.

Скандалозен е последниот потег на Арсовска да го прекине проектот Бас Рапид Транзит, кој се спроведуваше со поддршка од Европската банка за обнова и развој.

Три години се работеше овој револуционерен проект кој има за цел да внесе нов систем на ефикасен и еколошки јавен превоз во главниот град. Многу важен за скопјани.

Со средства од ЕБОР и со средства од градскиот буџет, направени се истражувањата и изработка на студијата на која учествуваа сообраќајни експерти од земјава и странство, како и проект за првата траса.

Беше потпишан и Договор со ЕБОР за наменски кредит од 70 милиони евра за изградба на двете траси на БРТ системот.

Сега, заради лични хирови, Арсовска го укинува овој проект кој што веќе е во процес на реализација и од висок интерес на скопјани.

Овој потег на Арсовска, освен што е против интересите на скопјани, е на директна штета на градот но и на државата, пред меѓународни финансиски институции како што е ЕБОР.

Наместо да работи за граѓаните, таа работи по инструкции од Белиот дворец и раководството на ВМРО-ДПМНЕ.

По првиот месец може да кажеме дека Данела Арсовска не се води од интересите на градот и не работи во интерес на скопјани.