Изјава за медиуми,

Александар Кирацовски, генерален секретар на СДСМ и шеф на изборниот штаб

Скопје, 21.04.2019

Почитувани граѓани, почитувани новинари,

Го искористив своето гласачко право и гласав за избор на претседател, гласачкото право и гласањето е еден демократски чин којшто истовремено е и чесно и одговорно затоа што сите заедно одлучуваме во која насока ќе се движи нашата држава.

Мирна, позитивна и демократска атмосфера којашто беше обележје на целата изборна кампањата, гледам дека продолжи и денеска на избирачките места ширум државата.

Граѓаните своето гласачко право го искористија слободно, на достоинствен и демократски начин.

Институциите со сите свои капацитети одговорија на предизвикот изборите да минат во најдобар ред, како што впрочем и прилега на држава идна членка на НАТО и ЕУ.

Очекувам одговорност од сите учесници во оваа изборна кампања токму денес на изборниот ден да направиме се, сите заедно истиот да помине во една мирна, демократска и позитивна атмосфера до самиот крај.