Соопштение за јавност

ВМРО-ДПМНЕ продолжува да ја лаже јавноста и покрај тоа што Договорот кој става крај на 25 годишниот спор со Грција го зајакнува македонскиот идентитет и го потврдува историскиот континуитет на државата.

ВМРО-ДПМНЕ се конфузни и контрадикторни. Постигнатиот конечен Договор е јасен: придавката македонски е официјално утврдена. Македонец, Македонка, македонски јазик, македонска историја, македонско сонце, македонска традиција со Договорот се потврдени и зајакнати еднаш засекогаш и никој повеќе нема да може да ги негира или оспорува.

Тоа значи дека ВМРО-ДПМНЕ повтoрно лаже! Сите термини што денеска ги користеше опозициската партија и понатаму ќе бидат ословувани како македонски.
Очигледно дека ВМРО-ДПМНЕ не може да ја напушти старата матрица и затоа секојдневно шири лажни вести.
Му се допаѓало тоа или не на ВМРО-ДПМНЕ, Договорот е партиотски чин што ја обезбедува европската иднина на државата и го зајакнува идентитетот. И покрај сите обиди, ВМРО-ДПМНЕ нема да ја врати Македонија во времето на изолација, назадување и поделби, граѓаните на референдум ќе одберат напредок и ќе кажат ДА за македонската иднина.

Скопје, 03.07.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА