Соопштение за јавност

Почитувани,

Добро е што ВМРО-ДПМНЕ ја следи програмата за работа на градоначалникот на Општина Карпош, Стефан Богоев.
За посочениот парк во Карпош 4, рокот на реализација е од 2018 – 2020 година. Овој временски период е наведен и во самата програма (страница 21) и веќе се преземаат чекори во делот на прибирање на документација за почнување со активностите за изведба на големиот парк.

ВМРО-ДПМНЕ да не ја чита Програма селективно туку целосно.

Во Програмата може да го прочитаат и ветувањето за субвенција за купување на велосипеди во Карпош, мерка која веќе е во тек на реализација во Општината, за која се издвоени 300 илјади денари од Буџетот на Општина Карпош и истата е прифатена со големо задоволство од карпошани.

Во Општина Карпош се врши и надградба на градинката “Мајски Цвет” во Тафталиџе 2, каде што се зголемуваат капацитетите на постоечката градинка, со објект од цврста градба додека во Бардовци во финална фаза е изградбата на целосно нова градинка.
Во Карпош 4 е завршена изградбата и на нова и современа фитнес зона, која исто така беше дел од изборните ветувања на Богоев.

На полето на зазеленувањето на Карпош, само во изминатите две недели заседни се нови 155 висококвалитетни дрвја, рамномерно поделени низ повеќе урбани заедници.

Многу зборови и лаги, но малку факти – типично за ВМРО-ДПМНЕ.

 

 

Скопје, 30.04.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА