fbpx

Вредностите и идеалите од Илинден се темел на нашата државност, честит Ден на републиката

Share on facebook
Facebook
Share on twitter
Twitter
Share on linkedin
LinkedIn

Обраќање на генералниот секретар на СДСМ, Љупчо Николовски

Почитувани граѓани,

Денеска на 2 Август – Денот на Републиката, оддаваме почит кон нашето славно и херојско минато.

Оддаваме почит кон нашите славни предци од Илинденското востание и од заседанието на АСНОМ, кои ги поставија темелите на современата, независна и суверена македонска држава, признаена од целиот свет.

Денес живееме во таква држава, како Македонци кои говорат македонски јазик, со македонски јазик, потврдени и признаени од целиот свет.

Живееме во држава втемелена на вредностите и идеите од Крушевскиот манифест и Манифестот на АСНОМ – безвременските историски документи кои денес се наша реалност.

Како одговорни граѓани продолжуваме да се водиме од ликот и делата на илинденците и учесниците во Народно-ослободителната борба и со чест и обврска ги реализираме нивните идеали.

Заедно со вас, почитувани граѓани, продолжуваме да ја градиме Северна Македонија како слободна, демократска и заедничка држава, земја пријател на регионот и светот.

Нека ни е честит и вековит 2 Август – Денот на Републиката!