fbpx

Европската перспектива на државата е препознаена, земјата е вклучена во финансиска рамка на ЕУ со три милијарди евра поддршка за наредните седум години

Facebook
Twitter
LinkedIn

Прес-конференција, Богданка Кузеска, портпаролка на СДСМ

Почитувани,

Успешните политики на Владата предводена од СДСМ во изминатите три години и вистинскиот, правиот пат по кои ги води граѓаните и државата се потврдуваат во континуитет.

Уште една голема потврда за тоа е победата на изборите на концептот што води напред и кон полноправно членство на ЕУ, концептот предводен од Зоран Заев кој за само 2.5 години го откочи интегративниот процес.

Европската перспектива на државата и европските вредности како водечки приоритети се препознаени, а признание за тоа е и вклучувањето на земјава во седумгодишната финансиска рамка на Европскиот совет, насловена „Нова генерација ЕУ“.

Тоа за нас како држава, значи достапни неповратни средства од околу три милијарди евра за овој седумгодишен период, како средства за третата генерација на претпристапна помош ИПА 3.

Овие средства Република Северна Македонија ги добива како поддршка во грантови и проекти и значајно ќе го забрзаат економскиот развој и реформскиот капацитет.

Тоа значи средства и проекти во областа на транспортот и инфраструктурата, во земјоделието и животната средина, во економскиот развој, во правдата и реформите за владеење на правото и други клучни области кои заеднички се идентификувани со европските партнери.

Проекти коишто ќе ги реализира новата Влада предводна од СДСМ во следниот мандат.

Почитувани,

Овие средства се клучна алатка за поддршка на преговорите на нашата држава во наредниот седумгодишен период, после кој очекуваме во европскиот буџет да бидеме проектирани веќе како држава членка на Европската Унија.

Заедно со веќе доделената помош за справување со кризата од КОВИД-19, ова е значаен сигнал за нас како држава која ги започнува преговорите со ЕУ.

Почитувани,

Само проевропска и реформска Влада предводена од СДСМ може, знае и умее со максимален капацитет да ги искористи овие можности и да го скрати патот на Северна Македонија до членство во ЕУ.

Тоа го покажавме со членството во НАТО, а ќе го постигнеме и со ЕУ.

СДСМ останува на страната на интересите на граѓаните и државата.

Последни вести