Изјава за медиуми на Љубица Јанчева, координаторка на советничката група на СДСМ во Советот на Град Скопје

Почитувани граѓани, почитувани новинари,

Најпрво дозволете во лично име и во име на советничката група на СДСМ, ДУИ и коалицијата во Советот на Град Скопје да изразам искрено сочувство кон семејствата на починатите во тешката несреќа што се случи во Бугарија.

Советничката група на СДСМ, ДУИ и коалицијата во Советот на Град Скопје, денеска достави барање за свикување на итна седница на Советот.

На оваа седница единствена точка на дневен ред би била помошта кон семејствата на нашите сограѓани кои загинаа во страшната автобуска несреќа во Бугарија.

Го поздравуваме предлогот да се обезбедат два милиони денари за помош на семејствата на настраданите, секако треба да се види можноста тој износ дополнително да се зголеми.

Сепак, не треба да се чека редовната седница на Советот, туку тоа може да се обезбеди и со вонредна седница за што денеска како советничка група поднесуваме иницијатива.

Скопје е град на солидарноста, град кој подава рака секому кому му е потребна помош така е и сега, без да ги делиме луѓето по верска и етничка припадност.

Денеска политиката ја оставаме на страна, повикуваме на сплотеност за што побрзо да им помогнеме на нашите сограѓани.

Во несреќата во Бугарија загинаа 45 лица, огромен дел од нив се скопјани и скопјанки.

Веруваме дека оваа иницијатива ќе биде прифатена и дека седницата ќе се одржи што поскоро за помошта до погодените да стигне што побрзо.