Прес-конференција на СДСМ, Лолита Ристова, пратеничка на СДСМ

Почитувани,

СДСМ, преку институциите што ги предводи, и во време на светска економска криза, продолжува со вистинска грижа за пензионерите.

Денеска започнува етапната исплата на мартовските пензии за околу 330.000 пензионери.

Покрај пензијата секој пензионер, на своја сметка ќе добие дополнителни 1.000 денари како поддршка за полесно справување со последиците од кризата.

Финансиската поддршка од по 1.000 денари за секој пензионер, ќе следува и за месеците април и мај.

Во септември, по усвојувањето на новата методологија за усогласување на пензиите и стабилизирањето на пензискиот фонд, следува историски највисоко покачување на пензиите.

Во текот на изминатите четири и пол години просечната пензија е зголемена за над 2.000 денари, а пензиите се исплаќаат редовно и навремено.

На дело ја покажуваме грижата за пензионерите, за сите граѓани и за компаниите.

Показател за тоа е и фактот што растат и платите, веќе од први април минималната плата ќе изнесува 18.000 денари, а просечната плата за месец јануари изнесува безмалку 30.000 денари, односно 29.980 денари.

И во време на криза преземаме ефикасни мерки за заштита на животниот стандард и за ликвидноста на компаниите.

Редовно и внимателно ја следиме состојбата и подготвени сме да преземеме дополнителни мерки во интерес на граѓаните и на домашната економија.