Прес-конференција, Богданка Кузеска, портпаролка на СДСМ

Почитувани,

Преку одговорни и навремени мерки и политики, Владата предводена од СДСМ успева и во време на светска економска криза да ја одржи стабилноста и ликвидноста на домашната економија.

Показател за тоа се бројни економски параметри.

Според податоците од Државниот завод за статистика, во првите шест месеци од годинава, извозот пораснал за 20,2 отсто во однос на истиот период од минатата година.

Тоа е доказ дека македонската економија и стопанство се конкурентни и во време на светска енергетска и економска криза.

И во вакви услови платите продолжуваат да растат. Просечната плата за месец мај изнесува 31.407 денари што е за 9,4 повисока во однос на истиот месец од 2021 година.

Веќе од следниот месец следува раст на платите во образованието, детската заштита, во полицијата и одбраната.

Грижата за граѓаните и унапредување на нивниот економски стандард останува врвен приоритет за Владата и институциите предводени од СДСМ.

Продолжуваме со реализација на мерки и политики што ја помагаат домашната економија, овозможуваат нови работни места и раст на платите во сите сектори.