Соопштение за јавност

„Јас сум човек што 25 години работел со луѓе. Сум ги гледал во очи кога им било најтешко во болница, во операциона сала, во моменти кога надежта и стравот се спојуваат во едно. Верувам дека на секој мора да му се помогне“, порача Претседателот на СДСМ, д-р Венко Филипче, на вечерашната граѓанска трибина.

Тој истакна дека политиката не смее да биде борба за власт, туку должност кон луѓето и нивните животи.

„Јас не го делам народот на наши и ваши. Верувам дека секој човек во оваа земја мора да се почитува и да му се помогне. Верувам дека патриотизам не е да создаваш поделби и страв, туку да го обединиш народот околу заедничка цел. Патриотизам е да водиш политика што ги штити луѓето, да подадеш рака на најслабите и да им се спротивставиш на моќните“, изјави Филипче.

Во своето обраќање, Претседателот на СДСМ, Филипче, ја истакна потребата од институции кои работат за граѓаните, а не за партиските интереси.

„Јас верувам во институции што служат на народот. Затоа верувам во реформи, а не во политиканство. Верувам во Македонија што оди напред, а не се враќа назад во реваншизам и конфликти“, рече Претседателот на СДСМ.

Филипче исто така нагласи дека зад него стои голема организација со историска тежина и јасна визија за иднината.

„И не сум сам. Зад мене стои СДСМ, партија што ја донесе независноста, што го обезбеди мирот и државноста, партија што ја внесе Македонија во НАТО, што ги отвори вратите кон Европа. Партија што, со сите свои маани, никогаш не се откажа од патот кон слобода, еднаквост и напредок“, додаде тој.