Соопштение за јавност

Се потврди дека лажниот патриотизам на Никола Груевски, како и секојдневните спинови и манипулации на медиумските курири се параван за прикривање на неговите криминални активности.

Додека граѓаните живеат со по 40 денари на ден, додека над 500 илјади граѓани тонат во сиромаштија, Никола Груевски мисли само како да ги одбрани својот криминал.

Никола Груевски и медиумските курири, платени со пари на граѓаните, водат смислени хајки против борците за демократија, невладините организации и граѓаните што секојдневно протестираат а молчат за „секташите“ од ВМРО-ДПМНЕ, Илија Димовски, Ѓорге Иванов, Антонио Милошовски, Ратко Димитровски…

Идентично е и со потврдениот лажен патриотизам на Никола Груевски.

Лицемерниот Груевски води лажни кампањи за наводен патриотизам а граѓаните, преку Вистината за Македонија дознаа дека токму Никола Груевски се пазарел за промена на уставното име, Република Македонија.

Со неговиот братучед, Сашо Мијалков, биле вистински преговарачи за промена на името на државата со нивниот бизнис партнер од Грција, Манолис. Дури разговарале и за идентитетските прашања.

Ова е потврдено и од документите што ги објави „Викиликс“. Во 2008-ма година Никола Груевски, во својство на премиер, договорал промена на уставното име Република Македонија.

И самиот Антонио Милошоски од ВМРО-ДПМНЕ, како министер за надворешни работи, во писмо упатено до Генералниот секратер на ООН, Бан Ки Мун, призна дека го прифатиле предлогот за промена на името во „Република Македонија (Скопје)“ но тој предлог го одбила Грција.

Ниту една манипулација, ниту една лага, не може да му помогне на Никола Груевски.

Граѓаните ја знаат вистината, го знаат неговиот лажен патриотизам. Правдата ќе се врати, следува одговороност за целокупниот криминал.

 

Скопје, 30.05.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА