Соопштение за јавност

Искористувајќи ги законските можности, денес е поднесена тужба до Управниот суд на РМ, поради незаконска одлука на стариот состав на Државната изборна комисија.

Со тужбата бараме поништување на одлуката на Државната изборна комисија со која е одлучено дека „Емисијата на државни хартии од вредност и државни записи од страна на министерството за финансии на домашен пазар не претставува акт или документ кој се однесува на правни, финансиски и кадровски прашања поврзани со организација на изборите“, па поради тоа не подлежи на согласност, односно одобрување од страна на Дополнителниот заменик министер.

Тужбатата е поднесена поради ненадлежност на стариот состав на ДИК, чиј мандат е истечен на 08.11.2015 година.

Исто така тужбата е поднесена и поради тоа што самата одлука е целосно незаконски формулирана. Имено согласно Законот за јавен долг, член 18, задолжувањата со државни хартии од вредност се вршат како на домашен, така и на меѓународен пазар на капитал. Согласно истиот закон, задолжувањето се врши со емисија на краткорочни и долгорочни хартии од вредност.

Во самата одлука нема образложение во кое согласно закон, ДИК требал да ги наведе причините поради кои ја има донесено одлуката.

Не навлегувајќи во политичките причини за носењето на оваа одлука од страна на ДИК, тужбата е поднесесена поради ненадлежност на стариот состав на ДИК, како и поради тоа што истата е целосно правно нејасна.

СДСМ ќе продолжи да ги брани интересите на граѓаните и ќе ги искористи сите механизми за да спречи изборна корупција и злоупотреба на парите на граѓаните.

Сите учесници на домашниот пазар на капитал треба во предвид да ги имаат сите последици при носењето на одлуките при учество во аукциите на државни хартии од вредност.

Скопје, 22.12.2015
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА