Народот му додели пораз на Мицкоски, државата ќе продолжи по европскиот пат на чело со СДСМ и Зоран Заев

Share on facebook
Facebook
Share on twitter
Twitter
Share on linkedin
LinkedIn

Соопштение за јавност – реакција на изнесени ставови на Христијан Мицкоски

Христијан Мицкоски треба да собере храброст и конечно да го признае третиот изборен пораз што ВМРО-ДПМНЕ последователно го доживува од граѓаните и од СДСМ.

Залудно Мицкоски се обидува со лажни тврдења да бара алиби, со единствена цел, да го оправда сопствениот континуиран политички неуспех и изборен дебакл што го доживеа.

Македонските граѓани на фер и демократски избори одлучија земјата да продолжи напред, по патот што го трасираше Владата предводена од СДСМ.

Станавме членка на НАТО, граѓаните одбраа да станеме членка и на ЕУ, граѓаните одбраа да продолжи растот на платите, да има економска стабилност и развој, да има правда и одговорност за сите подеднакво.

Граѓаните одлучно се спротивставија на политиките на Мицкоски и на ВМРО-ДПМНЕ, кои значат враќање назад кон мрачното минато, кон заробената режимска држава, кон заканите, уцените, заплашувањата.

СДСМ ќе ја формира и идната Влада и со визијата, стратегијата и планот што го има ќе обезбеди уште поголем прогрес и напредок и уште повеќе и уште подобри резултати.