Соопштение за јавност

СДСМ во континуитет реализира политики за заштита на природата и специфичниот биодиверзитет, за зачувување на уникатните природни вредности.

Го донесовме Законот во Собранието со кој дел од Шар Планина станува национален парк, како предел со исклучителна природна убавина, пејзажни и културни вредности, хидролошки карактеристики, дом на две третини од сите растителни видови во Северна Македонија.

Прогласувањето на Шар Планина за заштитена област овозможува воспоставување на систем на одржливо управување, но и отворање на нови можности за развој на локалната економија.

За првпат по осамостојувањето нашата држава добива четврти национален парк.

Со ова вкупната површина на заштитени подрачја на национално ниво изнесува над 13 отсто од територијата на државата.

Како одговорна партија, како одговорна Влада остануваме целосно посветени на заштита на животната средина преку имплементација на корисни мерки и политики на краток, долг и среден рок.

Ги чуваме шумите за идните генерации, продолжуваме посветено и бескомпромисно да се бориме за заштита и унапредување на животната средина, за заштита на нашите природни богатства.