Соопштение за јавност – реакција на прес-конференцијата на Наум Стоилковски од ВМРО-ДПМНЕ

ВМРО-ДПМНЕ предводена од Христијан Мицкоски со месеци нуди само блокади, деструкции и лажни вести.

Додека СДСМ секојдневно е на терен, меѓу граѓаните, додека промовира кандидати и заедно со граѓаните ја гради програмата за избори, ВМРО-ДПМНЕ безуспешно се обидува да копира концепти и активности и не промовира кандидати за градоначалници.

Граѓаните знаат дека ВМРО-ДПМНЕ не може да донесе ништо добро за општините и државата, затоа партијата на Мицкоски губи на сите анкети.

Што мислат граѓаните за понудата на СДСМ и понудата на ВМРО-ДПМНЕ, ќе кажат на следните локални избори каде уште еднаш силно ќе ги поразат ВМРО-ДПМНЕ и Мицкоски.