Соопштение за јавност
Потпретседателот на СДСМ Оливер Спасовски во емисијата „Жешко политичко лето“ на Канал 5 телевизија рече дека предизвици во Куманово имало и во минатото, во однос на различни кандидатури.
-СДСМ ја има најдобрата понуда и е фаворит на изборите. Секој одговорен човек, одговорен политичар носи одлуки како ќе настапува и врз основа на тоа и одговорност која ја ценат граѓаните. Политичкото семејство е важно. Сметам дека интересот на градот, интересот на државата и генерално сето она што значи заемна политика за еден сериозен напредок треба да биде ѕвезда водилка. Со таква политика, со таков концепт ќе настапиме на локалните избори секаде, па и во Куманово, порача потпретседателот на СДСМ Оливер Спасовски.
