Соопштение за јавност – реакција на прес-конференцијата на Александар Николоски од ВМРО-ДПМНЕ

Новата Влада предводена од СДСМ значи ефикасност во работењето, одговорност и посветеност во решавањето на сериозните предизвици кои се пред граѓаните.

Покрај докажани кадри од претходниот состав на Владата, речиси 70 отсто од министрите од редовите на СДСМ се нови, компетентни лица, подготвени да ја преземат одговорноста во соодветните ресори.

СДСМ покажува капацитет за промени, за уште подобро да им служи на граѓаните.

За разлика од тоа, во ВМРО-ДПМНЕ нема никаква промена, таму во раководството се уште се присутни соработници на Никола Груевски и поддржувачи на режимот, тоа се истите луѓе истата реторика од пред пет години.

Еден од нив е и потпретседателот на ВМРО-ДПМНЕ Александар Николоски кој денеска излезе на прес-конференција, а кој во политиката и во раководните структури на партијата е присутен над 15 години.

Очигледен е стравот, уште поочигледна е нервозата во ВМРО-ДПМНЕ од нивниот дебакл при формирање ново парламентарно мнозинство па затоа од белиот дворец секојдневноно се пласираат лажни вести и неосновани напади кон претседателот на СДСМ, Димитар Ковачевски и неговиот тим.

ВМРО-ДПМНЕ предводена од Христијан Мицкоски нема ниту волја ниту капацитет да се промени, тоа е партија која е заглавена во режимската матрица, со старите добро познати ликови кои 11 години ја држеа земјата во изолација, сиромаштија и поделби.