Прес-конференција, Дарко Каевски, портпарол и пратеник на СДСМ

Почитувани граѓани, почитувани новинари,

Денеска Република Северна Македонија започнува ново, историско поглавје во евроинетгративниот процес.

По 17 години чекање ги започнавме преговорите а денеска започнува започнуваме скрининг – процесот кој е составен дел од преговорите за членство во Европската Унија.

Овој скриниг процес е поделен на два дела: на објаснувачки и билатерален.

Денеска започнува објаснувачкиот скрининг кој треба да заврши најдоцна до ноември 2023 година.

Важно е да се напомене дека овој дел од скриниг процесот го минавме во периодот 2018 и 2019 година и дека сега не почнуваме од нула, туку продолжуваме од таму каде што сме застанале, што е исклучителна предност.

Според проценките усогласеноста со европското законодавство е околу 40 отсто, што зборува за посветеноста на државата во овие последни неколку години, што побрзо да ги исполни критериумите за членство во Унијата.

Почитувани,

Започнавме преговори со ЕУ, како Македонци, со македонски јазик во Унијата и заштитен македонски идентитет, македонска посебност.

Тоа е придонес на сите пратеници кои гласаа во Собранието, за да продолжи европски пат.

Сега е важно да се изгради консензус, да се стават во функција сите расположливи капацитети во процесот на преговори.

Опозицијата конечно да се откаже од блокади и деструкции со кои се обидува да го попречи напредокот на државата кон ЕУ.

Членството во ЕУ е врвна стратешка цел на државата и не треба да се сведува на политиканство и гола дневна политика.

Сега е потребна посветена работа, спроведување на потребни реформи со цел Северна Македонија до 2030 година да ги заврши преговорите и да стане членка на ЕУ.