Шпицниот градоначалник промовира проекти на СДСМ

Денеска Христијан Мицкоски во улога на шпицен градоначалник во Општина Аеродром промовира проект целосно спроведен од претходната локалната власт предводена од СДСМ и градоначалникот Златко Марин.

Добро е што денеска Муцунски заедно со Мицкоски се прошетаа во новоизградениот објект на градинката „Црвенкапа“ во Стар Аеродром и воедно имаа шанса да видат како се гради капитален проект и што значи грижа за жителите на општина Аеродром.

Но, дали Муцунски го информираше шпицниот градоначалник дека советниците од претходниот мандат на ВМРО-ДПМНЕ не го гласаа тој буџет во кој беше предвидена изградбата на оваа градинка, со што придонесот на ВМРО-ДПМНЕ за изградба на оваа градинка е речиси никаков.

Дали шпицниот градоначалник го праша Муцунски до каде е постапката за изградбата на 4 нови градинки во Општина Аеродром, ветување што го дадоа пред граѓаните пред 1 година на изборите?

Муцунски заедно со неговиот шпицен градоначалник треба да почнат да работат на своите проекти коишто ги ветија пред граѓаните на Општина Аеродром, а не во континуитет цела година да се фалат со проекти од претходната власт предводена од СДСМ.