Социјалдемократскиот Сојуз на Македонија одбележува триесет и три години од формирањето, кога беше основан врз уверувањето дека секој граѓанин заслужува право на глас, подобар животен стандард и достоинствен живот, со посветеност за градење поправеден свет и функционална држава, вели претседателот на СДСМ, Димитар Ковачевкси во видео обраќање по повод роденденот на СДСМ.

Низ годините, СДСМ се соочи со многу предизвици, бури и трурбуленции, но никогаш не се повлече, ниту застана.

Работеше цврсто за социјалдемократските вредности, за еднаквост, солидарност и социјална правда за секој граѓанин на Македонија, неуморно се бореше за унапредување на правата на работниците, заштитување на државата за идните генерации и градење општество каде секој има еднаква можност да напредува.

Најголемата сила на СДСМ лежи во солидарноста.

Рамо до рамо, наспроти поделеноста и раздорот, да застане заедно како една, единствена, државотворна, победничка партија, обединета во заедничките вредности и заедничката кауза – конечно да ја одведеме Македонија онаму каде што треба и заслужува да биде – во големото Европско семејство, за подобро утре, подобра иднина за сите граѓани и за нашето најголемо богатство – нашата младина и идните генерации.

На триесет и третиот роденден стигнавме до овде, сега нема откажување од европската иднина, наведува Ковачевски.

Линк до видео: https://www.facebook.com/share/v/7PpnBHtsbhRrAHR4/?mibextid=WC7FNe