Соопштение за јавност

ВМРО-ДПМНЕ нема никаков кредибилитет да зборува за економијата, бидејќи за време на нивното владеење, преку погубните политики го удвои јавниот долг и наместо да шири лажни обвинувања треба да ги види реалните економски показатели кои покажуваат раст на платите од 5,6, раст на индустриското производство и севкупен економски раст, истакна Томислав Тунтев во денешното обраќање во Собранието на Република Македонија.

„Поради неспсобноста на ВМРО-ДПМНЕ и бројните пропусти, автопатот Кичево – Охрид ќе чини 10 милиони евра по километар и ќе биде еден од најскапите во Европа. Владата предводена од СДСМ, како одговорна влада ги санира штетите на автопатите и тие сега непречено се градат. Сите влади на ВМРО-ДПМНЕ за 10 години изградија само 10 километри патиша и тоа е реалната бројка, се друго се пропусти коишто предвизкуваат дополнителни трошоци“ порача Тунтев.

Во делот на културата, Тунтев во своето обраќање посочи дека Владата предводена од СДСМ ги санира штетите од погубните политики на владите предводени од ВМРО-ДПМНЕ, кога поради штетните проекти беше загрозено културното и природно наследство на Охрид заштитени од УНЕСКО.