Соопштение за јавност

-Продолжуваме заедно, сплотени да испишуваме модерна историја во нашата мултиетничка Македонија. Верувам во градење пријателство и во едно општество за сите, повика вечерва на митингот во Струга претседателот на СДСМ, Зоран Заев.

-Светот оди напред, ајде да се отвориме. Тоа е патриотизам – да донесеме нови работни места за младите.

Модерниот свет под патриотизам подразбира нови работни места, развој на спортот, театарски претстави… Ајде да покажеме што е вистински патриотизам, обединети, заедно, живот во Струга, живот во Република Македонија, повика претседателот Заев.

Тој најави решавање на клучните прашања за граѓаните во овој регион.

-Да ја решиме трајно депонијата. Нема туризам без екологија. Нема поважно од здравјето на граѓаните, рече претседателот Заев.

-Цела Европа и модерниот свет сака да ни помогне. Македонија ќе биде 30.земја членка на НАТО и ќе се тргне условеноста на препораката и ќе добие датум за почеток на преговори со ЕУ. Иднината ни е само заедно и сплотени, заокружете го бројот 19 на изборите во недела, порача претседателот Зоран Заев вечерва во Струга.