Соопштение за јавност

Со денешната писмена реакција Министерството за земјоделство, шумарство и водостопанство потврди се што беше кажано на прес конференцијата на СДСМ.

Одговорните во МЗШВ и АХВ не само што се неспособни и неорганизирани, не само што кријат информации од јавноста за последиците од болеста „Јазлеста кожа“, туку тоа го кријат и од меѓународните институции.

Болеста „Јазлеста кожа“ коси и предизвикува огромни штети на сточарите, млечната и месната индустрија.

Се уште на ниту еден сточар не му се исплатени пари за одземените и убиени животни.

За барок и споменици криминалната власт има пари, ама нема пари за сточарите.
Катастрофално, неодговорно, класично криминално однесување на власта.

Јавноста, земјоделците, сточарите, се вознемирени од ширењето на болеста јазлеста кожа поради нестручност и неодговорност на кадрите на ВМРО-ДПМНЕ во АХВ и МЗШВ.

Очигледно само најодговорните за оваа тешка состојба, министерот Цветков и директорот на АХВ воопшто не се вознемирени. Воопшто не се загрижени за она што се случува.

Министерот Цветков и директорот на АХВ Поповски мораа да заминат што побргу од овие позиции, во интерес на сточарите, земјоделците, граѓаните и односите на Македонија со меѓународните институции.

Секој треба да знае дека одговорност за огромните предизвикани штети ќе има согласно законот!

Скопје, 03.07.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА