Изјава за медиуми, Михаела Иванова, советничка во Советот на Град Скопје

Почитувани граѓани и граѓанки

Изградбата на новиот мост на реката Вардар во Аеродром, на булеварот АСНОМ, е во полн ек.

Град Скопје предводен од СДСМ и градоначалникот Птере Шилегов заедно со општините Аеродром, Гази Баба и Центар целосно го реализираат ветувањето за поврзувањето на овие општини со нов мост и модерно булеварско решение

Овој инфраструктурен проект придонесува кон намалување на сообраќајниот метеж во овој дел од Скопје.

По изградбата на новиот мост и пробивањето на новиот коридор, граѓаните од Ново Лисиче до Судска палата со автомобил ќе стигнуваат за 5 минути, со автобус за 10 минути, со велосипед за 18 минути, а со пешачење за 35 минути.

По овој мост ќе сообраќаат и нови автобуски линии кои дополнително ќе го намалат сообраќајниот метеж. Исто така, велосипедското поврзување на оваа точка, оди во чекор со заложбите на градската администрација за што поголема употреба на велосипеди како превозно средство во Скопје и намалување на загаденоста на воздухот предизвикана од издувните гасови на возилата.

Вкупната должина на трасата изнесува 400 метри. Самиот мост ќе биде долг 150 метри, со 6 коловозни ленти, како и велосипедски и пешачки патеки од двете страни.

Почитувани,

Како градска и одговорна власт изминатите 4 години интензивно работиме во подобрување на инфраструктурата во Скопје, продолжуваме да градиме по план затоа што Скопје и скопјани го заслужуваат најдоброто.