Прес-конференција, Санела Шкријељ, пратеничка

Почитувани граѓани, почитувани новинари,

Им благодариме на илјадниците граѓани кои синоќа присуствуваат на националната трибина на СДСМ „Силно и одлучно кон иднината“ која се одржа во Скопје.

Вчера, илјадници граѓани на Скопје но и на другите градови, Македонци, Албанци, Бошњаци, Турци, Срби, Роми, Власи дадоа поддршка на концептот на СДСМ кој води напред.

СДСМ вчера покажа дека е обединета, сплотена партија како никогаш досега.

Енергијата, масовното присуство на вчерашната трибина, но и на претходните трибини одржани во 78 општини се доказ дека политиките на СДСМ се препознаени и ценети од граѓаните.

Граѓаните кажаа дека не се за блокади и неизвесност, туку дека се за напредок, за заедничка европска иднина.

Патот кон таа иднина е со пречки од политички партии и групи кои не и мислат добро на државата, кои сакаат нашето општество да го вратат назад во времето на поделби и изолација.

Затоа, потребно ни е обединување околу стратешките цели, обединување на сите прогресивни сили, обединување на сите нивоа.

СДСМ повторно ја презема одговорноста да ја обезбеди сигурната и стабилната иднина за сите наши граѓани.

Како одговорна партија продолжуваме со мерките и политиките што обезбедуваат подобар животен стандард, реформи во институциите и реализација на уште една стратешка цел – полноправно членство во ЕУ.

СДСМ останува на страната на прогресот, на успехот, на страната на европската интеграција.