Изјава за медиуми, Мирослав Наумоски, претседател на ОО СДСМ Ѓорче Петров

Почитувани,

Локалната власт предводена од СДСМ и градоначалникот Александар Наумоски продолжува со реализација на капиталните инвестиции.

Го остваруваме ветувањето пред граѓаните, овде во населеното место Волково, градиме детска градинка, најмодерен објект за згрижување на нашите најмали жители.

Со капацитет за сместување на 175 деца, оваа градинка ќе биде првата новоизградена градинка по цели 14 години на територијата на Општина Ѓорче Петров. Со пари од општинскиот буџет и со поддршка од Министерството за труд и социјална политика, Волково наскоро добива нова градинка со што решаваме деценски проблем на жителите од овој дел од општината.

Како одговорна партија, продолжуваме посветено да работиме во интерес на граѓаните на Ѓорче Петров.

Покрај изградбата на оваа, се реконструираат и доградуваат и останатите градинки во општината со што се зголемува опфатот на деца и се унапредува системот на детска заштита во Ѓорче Петров. Остануваме посветени на реализирање на зацртаните проекти.

Грижата за сите во Ѓорче Петров продолжува уште повеќе и уште подобро.