fbpx

ВМРО-ДПМНЕ продолжува со манипулациите кон родители и ученици и шири лажни вести за дигитализацијата во образованието

Share on facebook
Facebook
Share on twitter
Twitter
Share on linkedin
LinkedIn

Соопштение за јавност

Откако 11 години системски го уништуваше образованието, денес ВМРО-ДПМНЕ не може да се помири со реформите што носат модерен и ефикасен образовен систем.

Затоа оваа партија по секоја цена шири лажни вести и се обидува да манипулира со ученици и родители за партиски цели.

Јавноста знае дека партијата предводена од Христијан Мицкоски, стои зад повиците за бојкот, зад лажните вести за дигитализацијата во образованието и измислиците за некакви провизии и тендери.

Бојкотот на наставата е на штета на учениците затоа учениците и нивните родители, нема да дозволат да бидат манипулирани и злоупотребени за партиски и лукративни цели на ВМРО-ДПМНЕ.

11 години ВМРО-ДПМНЕ свесно го урнисуваше образованието и со експериментите како Кембриџ програмата и екстерното тестирање остави ученици, кои со своето знаење заостануваат зад своите врсници во европските држави.

ВМРО-ДПМНЕ се спротивставува на секој напредок, на сé што е во интерес на граѓаните и на државата. Токму поради таквото деструктивно однесување оваа партија шест пати губи на избори и уште долго ќе остане во опозиција.