Соопштение за јавност

Денеска во рамки на караванот „Млади Локално Заедно“ на СДММ се одржа средба на младите од локалните клубови на СДММ во Карпош, Центар и Ѓорче Петров, каде како и на претходните средби од караванот се разговараше за идеите и предлозите на секој млад човек, со цел да се направи чекор кон уштеподобри услови за младите.

Се приближуваме кон локалните избори и токму од таа причина сега е вистинскиот момент кога секој од нас треба да го сподели своето размислување и да се ангажира во креирањето на решенијата и одлуките кои се во наш интерес. Сега е нашата шанса да го инкорпорираме нашиот глас, нашиот дух да заживее во програмата на матичната партија, така што ќе си го осигураме тоа најдобро за нашата општина и најдоброто за нас, затоа што навистина можеме, истакна претседателот на СДММ, Марко Михаилоски.

Доказ дека трудот и силната волја се исплатливи е донесениот Закон за млади, со кој во секоја општина и државна институција, задолживме по еден младински работник кој е филтер на проблемите, предлозите и идеите на младите луѓе. Ја отворивме и партијата за младите луѓе со гарантирана застапеност од 33 отсто во партиските структури, но и застапеност која ќе биде испочитувана и на локалните избори преку кандидатите за градоначалници и советници, порача Михаилоски.

Најновото достигнување кое заеднички како СДММ го постигнавме и со кое апсолутно може да се гордееме е мерката за субвенцонирање на студентскиот оброк, со која на секој регистриран, редовен студент месечно ќе му се уплаќаат по 2400 денари за хранарина, заклучи претседателот на СДММ Михаилоски.