Соопштение за јавност

Проектот Сончев град е само еден од бројните криминални проекти на носителот на криминалот и режимот Никола Груевски.

За да се задоволат криминалните апетити и да се остварат личните желби на Груевски потрошени беа 7 милиони евра, пари на граѓаните, за промашен и небезбеден пат, а истовремено уништена е огромна површина зеленило на планината Водно.

Дополнително, поради пропаднатиот договор за изградба на населбата Сончев град, Груевски и неговите криминални соработници ја оштетиле државата за уште еден милион евра пари на граѓаните, за што во моментов се води и судски спор пред надлежниот суд.

Пропаднатиот проект Сончев град што криминалното раководство на ВМРО-ДПМНЕ на чело со Никола Груевски го најавуваше цела деценија зад себе остави само милионски штети врз Буџетот и уништено зеленило на Водно.

Овој пример е уште една потврда дека за сите вакви штети врз граѓаните и буџетот одговорност мора да има.

Криминалот, деструкцијата и расипништвото беа симбол на раководството на ВМРО-ДПМНЕ предводено од Груевски. Одбраната на криминалот на Груевски пак е суштина на делувањето на актуелното антизападно раководство на ВМРО-ДПМНЕ предводено од пионот Христијан Мицкоски.

Пионот Мицкоски е продолжена рака на неговиот ментор и шеф, Никола Груевски.

Затоа антизападното раководство на ВМРО-ПДМНЕ и Христијан Мицкоски се против ЕУ и НАТО.

На антизападниот Мицкоски треба да му биде јасно дека не може да ги одбрани криминалите на неговиот ментор Груевски, ниту на неговите соработници.

Скопје, 03.11.2018
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА