Соопштение за јавност
Ги гледаме ветувањата кои ги дава опозицијата, тие не се ништо различни од она што го даваа на локланите избори, дури и кампањата им е иста. Исто како што ја шетаа градоначалничката на Скопје, Арсовска велејќи дека таа ќе биде решението за Скопје, дека Скопје ќе стане најчиста метропола со електрични автобуси, со средени улици и тротоари. Денес гледаме дека Скопје е најзагадениот и највалканиот град не само во регионот и пошироко. Имаме нефункционална администрација, јавни претпријатија кои се дават во долгови и практично град во кој ништо не се случува освен застој на сите проекти и неистичени контејнери и валкани улици. – рече претседателот на СДСМ, Димитар Ковачевски денеска по разговор со граѓаните на Водно и активностите на промотивниот штанд за претседателскиот кандидат Пендаровски.
Ние нудиме јасен план и визија за тоа како и до кога, односно до 2030 година Северна Македонија да стане земја членка на ЕУ, наспроти нашите политички конкуренти ВМРО – ДПМНЕ и нивниот претседателски кандидат Гордана Силјановска кои немаат ниту план, ниту визија, ниту одлучност ниту волја да тоа го направат. Главен избор на овие претседателски и парламентарни избори е јасната визија на СДСМ и коалицијата и на претседателот на Стево Пендаровски за европска интеграција на државата – рече Ковачевски во изјавата за медиуми.
Колку е значајно што донесовме тешки одлуки во однос на влегувањето во НАТО се гледа токму денес во време кога на сите страни во светот беснеат воени конфликти. Не е само војната во Украина, туку и конфликтот во појасот Газа, вие гледате дека во текот на вчерашниот и денешниот ден има вооружен напад на Иран врз Израел. Тоа е да кажеме географски далеку од нас, но сепак земја која е дел од најголемиот одбранбен воено безбедносен сојуз во светот НАТО не смее да се грижи и не треба да се грижи за својата безбедност и сигурност на граѓаните. Тоа е овозможено од СДСМ, од коалиционите парнртери, и секако од одлуките кои ги донесовме. – истакна претседателот на СДСМ, Димитар Ковачевски денеска по разговор со граѓаните на Водно и активностите на промотивниот штанд за претседателскиот кандидат Пендаровски.
