Соопштение за јавност

Коце Трајановски ја продолжува праксата на неговиот шеф, Никола Груевски, и лицемерно се однесува кон граѓаните на Скопје.

Човекот кој ги исече дрвата во Скопје и придонесе градот да стане најзагаден град во Европа, кој дозволи да се потрошат милиони евра на споменици и барок, на автобуси коишто не задоволуваат еколошки стандарди, денеска се сети дека нешто треба да се преземе за загадениот воздух.

Лицемерни се ветувањата на Коце Трајановски за нови електрични авобуси. Што чекаше Коце во изминатите години?

Зошто и покрај сите укажувања на граѓаните и стручната јавност дека на градот му се потребни нови електрични или автобуси на метан, Трајановски потроши милиони евра на сомнителен начин и тоа за дизел автобуси што повеќе загадуваат?

Заврши времето кога Трајановски можеше нешто да најавува. Времето на Трајановски и Груевски во Скопје заврши.

Граѓаните на Скопје нема да дозволат уште еден мандат за продолжената рака на Никола Груевски и на 15 октомври ќе ги казнат погубните политики на Трајановски и ВМРО-ДПМНЕ во Скопје и ќе изберат нова градска власт што ќе работи отворено, одговорно и во интерес на граѓаните.

Скопје,03.10.2017

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА