Отворен повик за самокандидирање на претседатели на Општински организации на СДСМ

23/11/2020
13:45
Категорија: Соопштенија

Врз основа на член 68 и член 68s од Статутот на Социјалдемократскиот сојуз на Македонија,Правилникот за постапката, начинот и критериумите за кандидирање и избор на членови на органите и носителите на функциии во општинските организации Социјалдемократскиот сојуз на Македонија донесен на осмата седница на Централниот одбор на СДСМ се објавува:

О Т В О Р Е Н П О В И К

за самокандидирање на Претседатели на Општинските организации на Социјалдемократскиотсојуз на Македонија во: Демир Хисар, Ѓорче Петров, Зелениково, Кичево, Јегуновце, Росоман, Новаци, Сопиште, Студеничани, Гостивар, Липково, Желино и Боговиње

Социјалдемокатскиот сојуз на Македонијаработи за исполнување на програмите и ветеното пред граѓаните. За доследно почитување и вреднување на сработеното партијата воведе и соодветен мерит систем. За зголемена ефикасност и мобилност СДСМ започнува со постапка за избор на претседатели во општинските организации во:Демир Хисар, Ѓорче Петров, Зелениково, Кичево, Јегуновце, Росоман, Новаци, Сопиште, Студеничани, Гостивар, Липково, Желино и Боговиње.

За таа цел ги повикуваме сите заинтересираничесни и угледни индивидуи членови наСоцијалдемокатскиот сојуз на Македонија кои ги споделуваат социјалдемократските вредности и ги делат социјалдемократските идеали, да се самокандидираат како кандидати за претседател на општинска организација на Социјалдемокатскиотсојуз на Македонија во наведените општини.

Со доставената кандидатура за претседател на општинска организација на СДСМ, кандидатот/кандидатите во хартиена форма задолжително доставуваат:

– Биографија/CV;

– Мотивационо писмо/писмо за намера;

– Детална програма за работа со предлог идеи и проекти за општинската организација;

– Потпишана Изјава за постапување и почитување на Етичкиот кодекс на СДСМ;

Заинтересираните кандидати своитекандидатури (со целосна прилог документација во хартија, во затворен плик со назнака кандидатура за претседател на општинската организација __________ (назив на ОО) е потребно е да гидостават најдоцна до 30.11.2020 година, доПретседателот на Социјалдемокатскиот сојуз на Македонија, во седиштето на СДСМ на ул. Бихаќкаброј 8 Скопје.

Утврдени критериуми од Социјалдемократскиот Сојуз на Македонија за поднесување на кандидатури за претседател на општинската организација лицата потребно е да ги исполнуваат следните услови:

• Да бидат полнолетни, односно да имаат наполнети 18 години старост;

• Да имаат деловна способност;

• Да бидат членови на Социјалдемократскиот Сојуз на Македонија во моментот на поднесување на кандидатурата;

• Во целост да ги почитуваат позитивните законски прописи на РСМ и да не се води судска постапка за било какви дејствија спротивни на закон;

• Да уживаат висок углед и кредибилитет во локалната заедница и регионот на живеење;

• Да ја има подршката од сите етнички заедници, во својата локална средина, од граѓаните и населението да бидат прифатени како совесни и исполнителни личности кои се вбројуваат помеѓу оние со највисок јавен и професионален углед;

• Почитување, вреднување на принципите и вредностите едно општество за сите граѓани;

• Да поседува дополнителни вредности и капацитет за мобилизирање на граѓани;

• Во целост да ги почитуваат начелата и принципите на кои се темели Социјалдемократскиот сојуз на Македонија;

• Целосно да го почитуваат Статутот на СДСМ;

• Да потпишат изјава за прифаќање и почитување на Етичкиот кодекс на СДСМ и истиот во целост да го почитуваат;

• Да имаат јасна визија за идниот развој и делување на СДСМ на локално ниво да поседуваат силни политички и организациски способности да бидат подготвени за воведување на современи методи и технологии за работа да поседуваат вештини за јавен настап.